Qazaq sportshylaryn osy aptada qandaı saıystar kútip tur

<p>ASTANA. KAZINFORM &ndash; QR Týrızm jáne sport mınıstrligi aldaǵy kúnderi jankúıerlerdi qandaı jarsytar kútip turǵanyn málim etti. Atalǵan vedmstvonyń baspasóz qyzmeti atap ótkendeı osy aptada sporttyq saıystarǵa toly bolmaq.</p>

21–22 qazan – Almaty Cyber Games International

Almaty Cyber Games International halyqaralyq kıbersport jáne oıyn mádenıeti festıvali ótedi. Týrnır CS:Dota 2 jáne FIFA oıyndary boıynsha fınaldyq jarystardy qamtıdy. Qonaqtardyń arasynda Ivan Jarkov (Marvel kınoálemindegi Tordyń daýysy), sondaı-aq tanymal kıbersportshylar mou, Dosia jáne strımerler Leo KZ, baxadoto, Q.bro bar.

Ótetin orny: SK SADU Arena, Almaty q.

22–25 qazan – Fýtzaldan ÝEFA Chempıondar Lıgasynyń 2024–2025 jyldyń negizgi kezeńi bastalady

«Qaırat Fýtzal», «Semeı», «Sportıng» (Portýgalııa) jáne «Haladash» (Vengrııa) komandalary elıtalyq kezeń joldamasyna talasady.

Ótetin orny: Balýan Sholaq atyndaǵy sport saraıy, Almaty q.

22–26 qazan – Erler men áıelder arasynda blıts jáne rapıd boıynsha shahmattan Qazaqstan Respýblıkasy komandalyq chempıonaty

Qaraǵandyda shahmattan Qazaqstannyń komandalyq chempıonaty ótedi. Oblystardyń quramalary, halyqaralyq ataǵy bar shahmatshylar, sonymen qatar reıtıngi 2000+ erler jáne 1800+ áıelder qatysady. Jeke týrnır 26-28 qazan aralyǵynda ótedi.

Ótetin orny: Nurken Ábdirov atyndaǵy sport saraıy, Qaraǵandy q.

26–27 qazan – Ulttyq lıgadaǵy erler komandalary arasyndaǵy Qazaqstannyń XXXIII basketbol chempıonaty

«Almatylyq Legıon» basketbol klýby óz alańynda Aqtaýdan kelgen BK «Kaspıı» komandasyn qabyldaıdy.

Ótetin orny: Champ1on sport kesheni, Almaty q.

27 qazan – «Astana-Aqtóbe» fýtbol matchy

Qazaqstan Premer-lıgasynyń 24-týry aıasynda «Astana» jáne «Aqtóbe» fýtbol klýbtary Almatynyń Ortalyq stadıonynda kezdesedi.

Ótetin orny: Ortalyq stadıon, Almaty q.
Ýaqyty: 18:00

27–28 qazan – Erler komandalary arasyndaǵy ulttyq basketbol týrnıri

BK «Astana» jáne BK «Tobyl» komandalary jyl saıynǵy týrnır aıasynda kezdesedi.
* 27 qazan: 15:00 –«Astana BK» men «Tobyl» BK
* 28 qazan: 20:00 –«Astana» BK men «Tobyl» BK

Ótetin orny: Basketbol akademııasy, Almaty q.

Esterińizge sala keteıik, osyǵan deıin Tıranada (Albanııa) 23 jasqa deıingi balýandar arasyndaǵy ótip jatqan álem chempıonatynda qazaqstandyq balýan Dosjan Ótepqalıev shırek fınalǵa shyqqanyn jazǵan bolatynbyz.