Qazaq-ózbek shekarasynyń keıbir ýchaskesinde dalalyq demarkatsııalaý júrgiziledi
14:16, 18 Qazan 2019
ALMATY. QazAqparat - 14-18 qazan aralyǵynda Almaty qalasynda Birlesken Qazaqstan-Ózbek demarkatsııalyq komıssııasyndaǵy Qazaqstan Respýblıkasy men Ózbekstan Respýblıkasy úkimettik delegatsııalarynyń kezekti otyrysy ótti, dep habarlaıdy QazAqparat QR SІM baspasóz qyzmetine silteme jasap.
Taraptar Qazaqstannyń Mańǵystaý oblysy men Ózbekstannyń Qaraqalpaqstan arasyndaǵy ýchaskege memlekettik shekarany demarkatsııalaýdyń qorytyndy qujattarynyń jobalaryn ázirledi.
Kezdesý barysynda 160 shekaralyq baǵanadan turatyn shekara belgileri hattamalarynyń jobalary, sondaı-aq bul shekara belgileriniń koordınattary men bıiktiginiń katalogy daıyndalyp, qol qoıyldy.
2019 jyldyń qarashasynda Qazaqstan-Ózbek memlekettik shekarasynyń jekelegen ýchaskelerinde dalalyq demarkatsııalyq jumystardy júzege asyrý ýaǵdalastyqqa qol jetkizildi.
Kelissózder dástúrli dostyq jáne syndarly ahýalda ótti.