Qazaq-ózbek shekarasynda jabylyp qalǵan keden beketteri qaıta ashylady
Basqosýǵa elimizdiń Memlekettik kirister komıtetiniń ókilderi men Ózbekstan kedenshileriniń delegatsııasy qatysty. Qazaqstan tarapy kedendik operatsııalardy jetildirý men memleketter arasyndaǵy taýar aınalymnyń artýyna, saýdanyń damýyna yqpal etý - eki memlketttiń kedendik qyzmetteriniń negizgi mindeti ekenin atap ótti. Kelissózder sońynda birqatar máselelerge qatysty naqty sheshimder qabyldandy. Atap aıtqanda, Maqtaral aýdanyndaǵy 2008 jyly jabylyp qalǵan «Syrdarııa» men «Tselınnyı» ótkizý pýnktteri shilde aıynda qaıta qyzmet kórsete bastaıdy. Ózbekstan tarapymen ortaq kelisim jasalǵan soń, kórshi eldiń azamattary bir-birine táýlik boıyna barys-kelis jasaı alady. Al Saryaǵash aýdanyndaǵy «Qaplanbek», «Qazyǵurt», «Atameken» keden beketteri buǵan deıin kúndizgi ýaqytta ǵana jumys istese, endi olar táýlik boıyna aýystyrylmaqshy.
Sondaı-aq Qazaqstan jaǵyndaǵy beketter qaıta jańartylyp, jańa tehnologııamen jumys isteýge kóshetini aıtyldy. ıAǵnı, kedennen ótkende jeke azamattarǵa, kólikterge qatysty qujattardy toltyrý ýaqyty jyldamdatylady. Máselen, qazirgi tańda bir kóliktiń qujatyna 38 mınýt jumsalsa, jańa tehnologııamen bul ýaqyt kólemi 25 mınýtqa azaıady. Osy ýaqyt aralyǵynda sáıkestendirý, skanerleý sııaqty sharalar tez ári sapaly júrgiziledi. Sonyń arqasynda shekara asqan kólikter sany 400-den 1 myńǵa deıin artatyny kútilýde. Jeke tulǵalar úshin de aıaq jol termınaldary halyqaralyq talaptarǵa sáıkestendiriledi. Nátıjesinde, táýligine 40 myńǵa tarta adam kórshi elge qatynaı alady.
«Qazirgi tańda bul beketterdiń jumys jobasy daıyn. Jer telimderi bólinip qoıǵan. Jýyq arada tıisti qarajat bólinse, jyldyń ekinshi jartysynda qurylysy bastalady. Qurylys jumystary júrgizilip jatqanda beketterden azamattar eshbir qıyndyqsyz óte beredi», - deıdi OQO Memlekettik kirister departamenti tarıfti retteý basqarmasynyń bastyǵy Asqat Isaqov.
Kezdesýde eki el arasynda baǵalyq jáne taýar aınalymdyq aqparattarǵa qol qoıyldy. Bul degenimiz kedendik rásimdeýdiń ýaqytyn tezdetedi, ári ótetin taýar nemese azamattar jaıynda kórshi eldiń kedenshilerinen aqparat almasyp otyrady. Jalpy, sońǵy bes aıdyń ishinde óńirde Ózbekstanmen shekaralas jatqan keden beketterinde tólemder boıynsha salyq mólsheri 10 mlrd teńgeden asqan. Osy jańalyqtar engizilse, salyq kólemi odan da artady dep kútilýde. ıAǵnı, eki el arasyndaǵy taýar aınalym kóbeıip, tabys arta túspek.
«Eki el prezıdentiniń kezdesýlerinen keıin, bizdiń jıi kelissózder júrgizýimizdiń arqasynda Qazaqstan men Ózbekstannyń taýar aınalymy ótken jylmen salystyrǵanda 35-40 paıyzǵa deıin ósti. Bul ásirese Syrdarııa oblysy men Ońtústik Qazaqstan oblystary arasynda ımport pen eksportta barlyq sala boıynsha ósim baıqalady»,- deıdi Ózbekstannan kelgen Syrdarııa oblystyq Kedendik baqylaý basqarmasynyń bastyǵy Shýhrat Haırýllaev.