Qazaq-ózbek shekarasynan marıhýana alyp ótpek bolǵan jigit ustaldy

SARYAǴASh. QazAqparat - Túrkistan oblysynyń polıtseıleri Rotar aty ıisshil ıttiń kómegimen shekaradan esirtki alyp ótpek bolǵan er azamatty ustady, dep habarldaıdy QazAqparat oblystyq polıtsııa departamentine silteme jasap.

Saryaǵash aýdandyq polıtsııa bólimine UQK Shekara qyzmeti Saryaǵash aýdandyq basqarmasynyń «Qaplanbek» shekara baqylaý beketinen habarlama kelip túsken.

Túngi saǵat 23:00 shamasynda «Rotar» atty ıisshil ıt Qazaqstannan Ózbekstan Respýblıkasyna jaıaý ótip bara jatqan júrginshige úrip, belgi bergen.

Sodan polıtseıler kúdik týǵyzǵan azamatty tekseredi.

Tekserý barysynda onyń qaltasynan esirtkige uqsas zat tabyldy. Aıǵaq retinde alynǵan zatty polıtseıler saraptamaǵa jiberdi.

Nátıjesinde 3 gr-ǵa jýyq «marıhýana» ekeni belgili boldy.

Osy oqıǵa boıynsha tártip saqshylary QR QK 286-baby boıynsha qylmystyq is qozǵady. Kúdikti retinde tanylǵan orta jastaǵy azamat Shymkent qalasynyń turǵyny bolyp shyqty. Qazirgi tańda kúdiktige qatysty sotqa deıingi tergep-tekserý amaldary júrgizilýde. Ustalǵan azamat qolhatta.

Óz kezeginde Túrkistan oblysynyń polıtseıleri azamattarǵa esirtkini zańsyz tasymaldaǵanǵa qatań jaza kózdelgenin eskertedi.

Tártip saqshylary shekaradan ótpek bolǵan turǵyndardy esirtkige qatysty quqyq buzýshylyqtan aýlaq bolýǵa shaqyrady.

«Eger siz esirtki quraldaryn saqtaý jáne zańsyz aınalymy týraly qandaı da bir aqparatty bilseńiz, tez arada polıtsııanyń 102 nómirine habarlańyz» dep eskertedi polıtsııa.