Qazaq-ózbek shekarasynda jańa ótkizý beketterin ashý máselesi pysyqtaldy
«Taǵy bir úlken mańyzdy baǵyt – kólik-logıstıka salasy. Biz halyqaralyq kólik dálizderiniń báseke qabiletin arttyrý qajettigin atap óttik. Ol úshin óz aramyzdaǵy jáne úshinshi memlekettermen aradaǵy kólik baılanysyn jaqsarta túsýimiz qajet. Sonda elderimizdiń aýmaǵy arqyly tasymaldanatyn júk kólemi ulǵaıa túsedi. Transkaspıı baǵytyn jáne Soltústik-ońtústik dálizin tıimdi paıdalaný jaıyn talqyladyq. Sondaı-aq Aýǵanstan arqyly ótetin temir jol qurylysy aıasynda birlesken jobalardy iske asyrý týraly pikir almastyq. Shekarada jańa ótkizý beketterin ashý máselesin pysyqtadyq. Jalpy, osy baǵyttaǵy yqpaldastyq ózara saýda-sattyqqa tyń serpin beredi oılaımyz», - dedi Prezıdent.
Memleket basshysy budan bólek, sý-energetıka salasyndaǵy jumysty úılestirý máselesi talqylanǵanyn atap ótti.
«Qazir eki eldiń jaýapty mekemeleri arasynda tyǵyz qarym-qatynas ornaǵan. Memleketaralyq sý sharýashylyǵy qurylymdary arnaıy kestege sáıkes jumys istep tur. Biz bul baǵyttaǵy birlesken jumysty jalǵastyra beremizh», - dedi Qasym-Jomart Toqaev.