Qazaq-ózbek shekarasynda keden termınaly ashylady
17:00, 21 Qazan 2024
<p>TAShKENT. KAZINFORM – Qaraqalpaqstan astanasy Núkis qalasynan 450 shaqyrym jerde ornalasqan «Dáýit-ata» shekara beketiniń aýmaǵynda salynyp jatqan keden termınalynyń qurylysy aıaqtalýǵa jaqyn, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>
Ózbekstannyń Keden komıtetinen málim etkendeı, 6 gektardy aýmaqty qamtyp jatqan termınal zamanaýı tekserý, rásimdeý qurylǵylarymen jabdyqtalǵan.
Atap aıtqanda, keden beketiniń janynda 350 júk kóligi sııatyn turaq, qonaq úıler men tehnıkalyq qyzmet kórsetý pýnktteri ornalasqan.
Shekara beketiniń ashylýy Qońyrat-Beıneý tasjoly qurylysynyń aıaqtalýymen tuspa-tus keledi. Tıisinshe bul «Dáýit-ata» arqyly ótetin taýar tasymalynyń artýyna yqpal etpek.
Eske sala ketsek, ózbek tarapy qazaqstandyq «Jibek-Joly» beketimen ushtasyp jatqan «Gıshtkýprık» ótkizý pýnktisine júrgizilip jatqan jóndeý jumystaryn bıyl aıaqtamaq.