Qazaq-orys shekarasynda PTR anyqtamasy joq 9 sheteldik elge kirgizilmedi

PAVLODAR. QazAqparat - Pavlodar oblysynyń shekarasynda 13 adam karantın statsıonaryna jiberildi. Sońǵy táýlikte shekaradan 1025 azamat ótti, dep habarlaıdy Pavlodarnews.kz.

Oblystyq sanıtarlyq-epıdemıologııalyq baqylaý departamentiniń málimetinshe, onyń ishinde 637-si - jaıaý, 388-i - júk kóliginiń júrgizýshisi.

Karantın statsıonaryna 13 adam jatqyzyldy.

- Avtoótpe joldarda rastalǵan jaǵdaılar anyqtalǵan joq. Anyqtamasy bolmaǵan 9 azamatqa elge kirýge tyıym salyndy: Reseı Federatsııasy - 3, Qyrǵyzstan - 4, Belarýs - 2 (júrgizýshiler-7, jolaýshylar -2). Memlekettik shekaranyń 4 avtomobıl ótkizý pýnktinde adamdardyń oryn aýystyrýyna monıtorıng jalǵasýda, - deıdi departamentte.

38 640 PTR tekserý júrgizildi, 259 syrttan kelgen jaǵdaı anyqtaldy (sımptomsyz, ambýlatorııalyq emdeý).
Oblysqa shekteýler engizilgen sátten (19.09.20 j.) bastap 165 217 adam (ortasha eseppen táýligine 300-800 adam) keldi.

Onyń ishinde halyqaralyq tasymaldaýdy júzege asyratyn júrgizýshiler – 89 243, jolaýshylar – 75 974.

PTR tekserý úshin karantın statsıonaryna QR 4 281 azamaty ornalastyryldy. 2 256 beırezıdentke elge kirýge (anyqtamasyz) jol berilgen joq.