Qazaq ónerpazdary Ózbekstandaǵy iri án festıvalinde júlde enshiledi

<p>TAShKENT. KAZINFORM &ndash; 26-30 tamyz aralyǵynda Ózbekstannyń Samarqan qalasynda &laquo;Shark taronaları&raquo; (&laquo;Shyǵys áýenderi&raquo;) halyqaralyq mýzyka festıvali ótti. Baıqaý 5 jyldyq úzilisten keıin ónerpazdardyń basyn qaıta qosty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Bıyl 13-shi ret uıymdastyrylǵan mýzyka festıvaline álemniń 80-ge jýyq memleketinen 400 ónerpaz qatysyp, Regıstan alańyn áýezdi án men sıqyrly sazǵa bóledi. 

Foto: "Shark taronaları" festıvaliniń uıymdastyrýshy komıteti

«Bul festıval aıasynda uıymdastyrylǵan árbir is-shara meımandarǵa erekshe áser qaldyrady degen oıdamyn. Onyń aýqymy ýaqyt ótken saıyn keńeıip, dúnıejúzi halyqtaryn rýhanı turǵyda biriktiretin iri án merekesi retinde tanyla bastady. Biz osy arqyly qonaqjaılyq qasıetimizdi de kórsetkimiz keledi», - dedi Ózbekstan Mádenıet mınıstrliginiń baspasóz hatshysy Sırojıddın Ýsarov.

Alǵash ret 1997 jyly ótken «Shark taronaları» baıqaýyna 31 eldiń ókili qatysqan. Sol joly Qazaqstan atynan festıvalde óner kórsetken tanymal ánshi Ramazan Stamǵazıev júlde enshilegen edi. Keıin onyń jolyn 2015 jyly Birjan Báziljanov jalǵady. 

Foto: "Shark taronaları" festıvaliniń uıymdastyrýshy komıteti

Bıyl da festıvalge qatysqan qazaqstandyq ónerpazdar oljasyz qalmady. Oraldyq «Atameken» etno-folklorlyq ansambli «Shark taronaları» baıqaýynda 2-oryn ıelendi. 

Foto: "Shark taronaları" festıvaliniń uıymdastyrýshy komıteti

«Atameken» etno-folklorlyq ansambliniń qurylǵanyna kóp bolǵan joq. Buǵan deıin Eýropanyń biraz elin sharlap keldik. Al bul – bizdiń alǵashqy baıqaýymyz. Jaqsy óner kórseteý úshin barymyzdy saldyq. Qazaqstan kompozıtorlarynyń shyǵarmalaryn oryndadyq jáne ánderimiz de boldy», - dep málim etti «Atameken» etno-folklorlyq ansambliniń múshesi Ernar Ómiráli.

Joǵary deńgeıdegi is-shara Ózbekstannyń mádenı mura eskertkishterin tanytýǵa da yqpal eteri sózsiz. Osy arqyly kórshimiz týrıstik áleýetin jańa qyrynan tanytpaq nıette. 

Foto: "Shark taronaları" festıvaliniń uıymdastyrýshy komıteti

Foto: "Shark taronaları" festıvaliniń uıymdastyrýshy komıteti