Qazaq memlekettiginiń tarıhı kepili bolǵan kitap jaryq kórdi (FOTO)
«Búgin biz qazaqtyń, qazaq handyǵynyń birden-bir jáne jalǵyz derekkózi Mahmut Haıdar Dýlatıdiń «Tarıh-ı Rashıdı» kitabynyń tusaýkeserine kelip otyrmyz. Bul kitapty tupnusqadan aýdarǵan ıran tiliniń mamany Islam Jemeneı. Bul kitaptyń aýdarylýy bizdiń qazaq memlekettigimizdiń, qazaq handyǵynyń naqty tarıhı kepili bolyp tabylady», - dedi kitaptardyń tanystyrylym sharasynda «Otyrar» kitaphanasynyń dırektory Tursyn Jurtbaı. Onyń atap ótýinshe, qazaq memleketiniń, ıaǵnı, bizdiń ulttyq ıdeıamyzdyń ekinshi ret oıanýyna túrtki bolyp, osy táýelsizdik ıdeıamyzdyń negizin qalaǵan ekinshi adam - qazaqtyń uly jazýshysy Іlııasy Esenberlın. «Áýezovten keıingi Esenberlındeı Alash ıdeıasyna kepil bolǵan jáne qazaqtyń ulttyq ómirlik ıdeıasyn muratyna aınaldyrǵan jazýshy tarıhı turǵyda joq deýge bolady. Qalaı jazsyn, olaı jazsyn. Sol ıdeıany júzege asyrdy. Al qazaq memlekettiginiń qurylǵanyna 550 jyl, І.Esenberlınniń de týǵanyna 100 jyl tolýyna oraı bul kitaptardyń bir mezette jaryqqa shyǵýy uly sáıkestik dep oılaımyn», - ded ol. Mahmut Haıdar Dýlatıdiń «Tarıh-ı Rashıdı» kitaby ıran tilinen aýdarylyp, qazaq, orys jáne aǵylshyn tilderinde 7 myń danamen jaryqqa shyǵarylǵan. Іlııas Esenberlınniń «Kóshpendiler» trılogııasy qazaq tilinde 2 myń, orys tilinde 2 myń jáne aǵylshyn tilinde 2 myń danamen jaryq kórdi.