Qazaq memlekettigi tarıhynyń tamyry tereńde - R.Býkanova

ASTANA. QazAqparat - Qazaq memlekettigi tarıhynyń tamyry tereńde. Búgin QR Prezıdenti janyndaǵy OKQ-de ótken brıfıngte Bashqurt memlekettik ýnıversıtetiniń kafedra meńgerýshisi Roza Býkanova osylaı dedi.

«Qazaq memlekettiginiń bastaýy Qazaq handyǵynyń 550 jyldyǵymen túgespeıdi. Memlekettilik tamyry tarıhtyń tereń qoınaýynan bastaý alyp jatyr. Bul rette memlekettiliktiń jalpytúrkilik dástúri birneshe ǵasyrlarǵa sozylatyndyǵyn atap ótken oryndy. Qazirgi ýaqytta Qazaqstan resmı túrde joǵary deńgeıde Qazaq handyǵynyń 550 jyldyǵyn atap ótýde. Bul tek qazaq halqy ǵana úshin emes, Qazaqstanda turyp jatqan basqa ulttar úshin de óte mańyzdy oqıǵa», - dedi sheteldik meıman.

Onyń atap ótýinshe, búginde álemniń kóptegen elderiniń tarıhshylary Qazaqstandaǵy tarıh ǵylymyna memleket tarapynan kórsetilip otyrǵan qamqorlyqqa rızashylyqpen nazar aýdarýda.

«Tarıh ǵylymy - kez kelgen memlekettiń strategııalyq resýrsy. Menińshe, Qazaqstannyń, qazaqstandyq ǵalymdardyń bolashaǵy zor», - dedi R.Býkanova.