Qazaq-majar birlesken kásiporny jyl sońynda BQO-daǵy kenishten gaz ala bastaıdy

<p>&laquo;QazMunaıGaz&raquo; ulttyq kompanııasy&raquo; aktsıonerlik qoǵamynyń basqarma tóraǵasy Maǵzum Myrzaǵalıev Bayts Qazaqstan oblysyndaǵy Rojkov kenishi jyl saıyn 1 mlrd teshe metr gaz beretinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Majarstannyń MOL ulttyq munaı-gaz kompanııasymen jemisti jumys istep jatyrmyz. Áriptestik birneshe jyldan beri jalǵasyp keledi. Olarmen birge Batys Qazaqstan oblysyndaǵy Rojkov kenishin ázirlep jatyrmyz», - dedi Maǵzum Myrzaǵalıev Prezıdent Qasym-Jomart Toqaev pen Majarstan Premer-Mınıstri Vıktor Orbannyń Aqordadaǵy kezdesýi aldynda.

Ulttyq kompanııa basshysy joba úshjaqty áriptestik aıasynda iske asatynyn eske saldy.

«Bul jobada úsh birdeı áriptes bar: QazMunaıGaz, MOL jáne Sinopec. Buǵan deıingi jyldardyń bári uńǵyma burǵylaýmen, ınfraqurylym ázirleýmen ótken bolatyn. Bıyl gaz ala bastasaq degen jospar bar. Bıylǵy kólem sonshalyq úlken bolmas. Óıtkeni eki-aq aı qaldy ǵoı. Onyń bireýi daıyndyq jumystaryna keteıin dep tur. Rojkov kenishinde jylyna 1 mlrd tekshe metr gaz alamyz dep josparlap otyrmyz. Bul deńgeıge uńǵymalardyń kezeń-kezeńimen iske qosý arqyly birtindep jetemiz», - dedi «QazMunaıGaz» basshysy.