Qazaq-qytaı shekarasynda ekinshi qurǵaq port salynady

ASTANA. QazAqparat – Prezıdent Qasym-Jomart Toqaev «Ortalyq Azııa-Qytaı» sammıtinde aımaq elderin «Qorǵas» halyqaralyq saýda habynyń múmkindikterin birlesip paıdalanýǵa shaqyrdy, dep habarlaıdy QazAqparat tilshisi.

«Bul jerde saýda nomenklatýrasyn esportty ulǵaıtý arqyly keńeıtý mańyzdy. Mysaly, Qazaqstan Qytaıǵa óz eksportyn 135 shıkizat emes taýar jaıǵasymy boıynsha ósire alady. Ótken aıda pandemııa kezindegi úshjyldyq toqyraýdan keıin Qazaqstan-Qytaı shekarasyndaǵy «Qorǵas» halyqarlyq saýda ortalyǵynyń jumysy qaıta jandandy. Ortalyq Azııa elderiniń bárin, ásirese, Qytaımen ortaq shekarasy joq kórshilerimizdi osynaý mańyzdy saýda-logıstıkalyq habtyń áleýetin birlesip paıdalanýǵa shaqyramyn», - dedi Memleket basshysy.

Prezıdent saladaǵy sátti tájirıbe ári qaraı keńeıetinin atap ótti.

«Bizdiń josparymyzda qytaılyq ınvestıtsııalyq áriptestermen birge shekarada qordalanǵan tájirıbeni eskere otyryp, jańa sapaǵa negizdelgen ekinshi qurǵaq port salý jobasy bar», - dedi Qasym-Jomart Toqaev.