Qazaq-qytaı shekarasy mańynda janarmaıǵa suranys artty

ÚRJAR. QazAqparat - Úrjar aýdanynda janar-jaǵarmaı qory jetkilikti, dep habarlaıdy QazAqparat Abaı oblysy ákimdigine silteme jasap.

Úrjar aýdanynda 14 janarmaı quıý stansasy bar (Úrjar aýylynda – 3 janarmaı quıý beketi jáne 1 suıytylǵan gazdy satýǵa arnalǵan janarmaı quıý stantsııasy, Maqanshy aýylynda – 1, Aqjar aýylynda – 3, Baqty aýylynda – 1, Taskesken aýyly – 2, Qabanbaı aýyly – 2 janarmaı quıý stantsııasy jáne 1 suıytylǵan gazdy satýǵa janarmaı quıý stantsııasy).

Qazirgi ýaqytta týrıstik maýsymnyń qyzǵan shaǵynda avtokólik sanynyń kóbeıýine (kúnine shamamen 2500 avtokólik), sondaı-aq shekaradaǵy kólik-logıstıka ortalyǵynyń jumysyna (kún saıyn 120 júk kólikteri QHR jóneltiledi) baılanysty janarmaıǵa suranys artty.

Ásirese AI-92 markaly benzınge suranys joǵary.

Baqty, Úrjar aýyldarynda jáne Taskesken-Baqty respýblıkalyq tas jolynyń 92 shaqyrymynda ornalasqan «PetroRetail» jáne «Helios» janar-jaǵarmaı quıý stansa jelileri kompanııanyń Aıagóz jáne Óskemen qalalaryndaǵy munaı bazalaryn úzdiksiz janar-jaǵarmaımen qamtamasyz etedi.

Búgingi tańda oblystaǵy janar-jaǵarmaı qory: AI-92 - 82,6 tonna; AI-95 - 6,0 tonna; Dızel otyny- 92,5 tonna.

Qazirgi kúni aýdanǵa: AI-92 - 117,9 tonna, dızel otyny - 6,5 tonna kele jatyr.

Aıta ketsek, 30 shildede Qabanbaı aýylynda «Alem Trans Oil» JShS syıymdylyǵy 30 tekshe metrdi quraıtyn jyljymaly modýldi janarmaı quıý stantsııasy iske qosyldy.

Aýdanda janar-jaǵarmaımen qamtamasyz etý jumystary qarqyndy júrip jatyr.