Qazaq-qyrǵyz shekarasyndaǵy «Toqmoq-avto» beketi eki aıǵa jabylady
13:24, 27 Qyrkúıek 2016
ASTANA. QazAqparat - Qazaq-qyrǵyz shekarasyndaǵy «Toqmoq-avto» ótkizý beketi 2016 jyldyń 25 qyrkúıeginen 25 qarashasyna deıin jabyldy. Bul týraly QR UQK Shekara qyzmetiniń baspasóz qyzmetinen habarlady.
«Ótkizý oryndaryndaǵy tulǵalar men kólik quraldaryn ótkizý múmkindigin arttyrý men ótý jaǵdaılaryn jaqsartý maqsatynda «Toqmoq-avto» ótkizý beketinde qurylys jumystary josparlanyp otyr», delingen 21 qyrkúıekte QR UQK Shekara qyzmetine Qyrǵyz Respýblıkasynyń Chý oblysy boıynsha shekara qyzmetinen kelgen hatta.
Bul nysandaǵy qurylys jumystary aıaqtalǵan soń, kúrdeli qurylys jumysy Qordaı shekara jasaǵynyń «Aýqatty-avto» ótkizý beketine qarsy ornalasqan «Keńbulun-avto» ótkizý beketinde bastalady.