Qazaq-qyrǵyz shekarasyndaǵy Qordaı beketiniń rekonstrýktsııasy bıyl aıaqtalady

QORDAI. QazAqparat - Jambyl oblysynda qazaq-qyrǵyz shekarasyndaǵy «Qordaı» ótkizý beketin rekonstrýktsııalaý jumysy jalǵasyp jatyr. Beket kelesi jyldyń ózinde táýligine 2500 kólik pen 23 myń adamdy ótkize alady, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

Joba boıynsha uzyndyǵy 137 metrlik 8 jolaqty qozǵalys bóligin, ótkizý termınaldaryn, baqylaý-ótkizý pýnktin, shekara qyzmetiniń ǵımaraty men ótkizý beketiniń basqa da nysandaryn qaıta jańartylady.

«Budan bólek, bıyl mamandar tekserýdi jyldam júrgizýge arnalǵan jańa ınspektsııalyq tekserý keshenin salady. Búgingi tańda qurylys jumystaryna qajetti tehnıkanyń barlyǵy jumyldyrylyp, qurylys materıaldary jetkizilgen. Qaıta jańartý jumystaryna 127 adam men 15 tehnıka tartyldy. Ótkizý beketiniń rekonstrýktsııa aýdany - 3,5 ga. Jobanyń bas merdigeri – «Dorstroı» JShS. Tehnıkalyq baqylaýdy «Almaty Sapa Injınırıng» JShS júzege asyrady. Joba avtory – «Sıntez» JShS» delingen habarlamada.

Jol-qurylys maýsymy qyzǵan shaqta «Qordaı» ótkizý beketi tek jaıaý júrginshiler úshin saǵat 6:00-dan 24:00-ke deıin jumys isteıdi.

Avtokólikter kórshiles «Qarasý», «Sortóbe» jáne «Aýqatty» beketteri arqyly ótkizilip jatyr. Atalmysh ótkizý beketterine kirý joldary jaqsy jaǵdaıda. Bekettegi jóndeý jumystaryn osy jyldyń sońyna deıin aıaqtaý josparlanyp otyr.