Qazaq-qyrǵyz shekarasynda PTR anyqtamasy joq 1300 sheteldik elge kirgizilmedi

TARAZ. QazAqparat – Jambyl oblysynda epıdemıologııalyq jaǵdaıdyń kúrdelenýine jol bermes úshin birneshe baǵyt boıynsha jumys uıymdastyrylyp, júrgizilýde., dep habarlaıdy QazAqparat tilshisi.

Bul týraly Jambyl oblysynyń sanıtarııalyq-epıdemıologııalyq baqylaý departamenti basshysynyń orynbasary Saltanat Álibaeva ÓKQ aqparat alańynda ótken brıfıngte baıandady.

«Naýqastar jáne olarmen baılanysta bolǵandar belsendi túrde anyqtalady. ıAǵnı, emhanaǵa júgingen koronavırýs belgisi bar barlyq adam em alady. Oń nátıje bolǵan jaǵdaıda epıdemıologııalyq tergeý jumystary júrgiziledi jáne baılanysta bolǵan adamdar tekseriledi»,-dedi S.Álibaeva.

Sonymen qatar, spıker koronavırýs ákelý jaǵdaılaryn boldyrmaý úshin respýblıka shekarasyndaǵy ótkizý pýnkterinde baqylaý júrgizilip otyrǵanyn atap ótti.

ıAǵnı, oblysqa Qyrǵyz Respýblıkasynan keletin barlyq azamat polımerazdy tizbekti reaktsııa ádisimen zerthanalyq zertteýden ótedi jáne karantın statsıonarynda 2 táýlikke oqshaýlanady, al sheteldik azamattarǵa zerthananyń teris nátıjesi bar anyqtamasyz kirýge tyıym salynǵan.

«Jambyl oblysynda 4 ótkizý pýnkti jumys istep tur. Olar - Qordaı aýdanyndaǵy «Qarasý», «Aýhatty», Merke aýdanyndaǵy «Sypataı batyr» jáne Jambyl aýdanyndaǵy «Aısha bıbi» beketteri. 6 qazannan beri 63206 adam shekaradan ótti. Onyń ishinde 2267 adam 2 kúndik statsıonarǵa jatqyzylyp, PTR ádisimen tekserýge alyndy»,-dedi S.Álibaeva.

Sondaı-aq, ol shekaradan ótken tekserilgender arasynan koronavırýspen aýyratyn 28 naýqas anyqtalǵanyn tilge tıek etti. Anyqtalǵan naýqastar oqshaýlanǵan.

Epıdemıologııalyq tergeý júrgizilip, naýqastar jáne olarmen jaqyn baılanystaǵy adamdar medıtsınalyq baqylaýǵa alyndy.

Al 1339 shetel azamatyna teris nátıjeli PTR testi bolmaǵandyqtan elimizge kirýge ruqsat berilmegen.