Qazaq-qyrǵyz shekarasynda eki zastava ashyldy

ASTANA. QazAqparat - Táýelsizdik kúnine oraı №2038 áskerı bóliminde alǵash ret modýldi keshen salynyp, Qordaı aýdanyna qarasty Eńbek jáne Aýqatty eldimekenderinde jańa zastavalar ashyldy, dep habarlaıdy QazAqparat shekara qyzmetine silteme jasap.

Osyǵan baılanysty qos eldimekende de saltanatty is-shara ótti. Atap aıtqanda, Qordaı aýdanynyń Eńbek aýylynda «Eńbek» jáne Aýqatty eldimekeninde «Jasyltóbe» shekara zastavasy ashyldy. Oǵan aýdan basshylyǵy,  aqsaqaldar alqasy ókilderi jáne aýyl jurtshylyǵy qatysty.

«Jańa zastavalardyń ǵımaraty jaýyngerlik daıarlyq sabaqtaryn ótkizip, óz kásibı sheberlikterin shyńdaýǵa, áskerı qyzmetshiler men olardyń otbasy músheleriniń turmysyna óte yńǵaıly etip jasalǵan. Al, turmys jaıly bolsa shekarashylar óz mindetterin alańsyz atqara beredi» delingen Shekara qyzmetiniń baspasóz qyzmeti taratqan habarlamada.