Qazaq-qyrǵyz shekarasynda 2,5 tonna irimshikti zańsyz alyp ótpek bolǵandar ustaldy

ALMATY. QazAqparat - Qazaq-qyrǵyz shekarasynda kontrafaktilik ónimdi zańsyz alyp ótpek bolǵan adamdar ustaldy. Shekarashylar toqtatqan «Mersedes-Bents» kóliginen deklaratsııalanbaǵan 2,5 tonna irimshik pen 8 qapshyq qolsaǵat tabyldy. Bul týraly QR UQK Shekara qyzmetiniń baspasóz hatshysy Oksana Parpýra habarlady.

Oqıǵa Qordaı shekara otrıadyna qarasty «Aýqatty» shekaralyq baqylaý beketinde oryn alǵan. Sondaı-aq jedel izdestirý sharalarynyń barysynda birneshe saǵattan keıin eldi mekenniń ishinen kúmán týdyrǵan «Folksvagen-Djetta» avtokóligi toqtatyldy. Ol kólikten de 3,5 tsentner shujyq pen sút ónimderi tabyldy. Esterińizge sala keteıik, osydan bir kún buryn Qazaqstan-Reseı shekarasyndaǵy «Semeı» jekelegen ótkizý-baqylaý beketine qarasty «Aýyl avto» beketiniń baqylaýshylary kontrabandalyq júk ótkizýge árekettengen Qazaqstan azamatyn ustaǵan bolatyn. 49 jastaǵy er adam tirkemesi bar «KAMAZ» júk kóligimen túr-túsi benzınge uqsaıtyn, salmaǵy 28 tonna bolatyn munaı ónimin zańsyz ótkizýge tyrysqan. Barlyq derekter boıynsha quqyq qorǵaý organdary tergeý amaldaryn júrgizýde.