Qazaq-qyrǵyz shekarasy arqyly taýar ótkizýde kedergi joq - MKK
Qazaq-qyrǵyz shekarasyndaǵy jaǵdaıdy egjeı-tegjeıli zerdeleý úshin aǵymdaǵy jyldyń 3 maýsymynda «Qordaı» jáne «Qarasý» ótkizý pýnktterine Eýrazııalyq ekonomıkalyq komıssııanyń (EEK) alqa múshesi – Kedendik yntymaqtastyq jónindegi mınıstri M.S. Mamytkanov bastaǵan jáne Qyrǵyz Respýblıkasynyń fıskaldyq organdarynyń, sondaı-aq Reseı Federatsııasynyń keden qyzmetiniń ókilderi keldi. Qazaqstandyq tarap «Qordaı» jáne «Qarasý» avtomobıl ótkizý pýnktterinde memlekettik kirister komıtetiniń aqparattyq júıelerin qoldana otyryp, taýarlardy ótkizýdiń shekaralyq, eksporttyq baqylaý jáne monıtorıng protsesterin kórsetti.
Málimetke saı, jyl basynan beri qazaqstan-qyrǵyz shekarasy arqyly 119 myńnan astam júk avtokólik quraly ótken.
Qazaqstan tarapy EAEO elderimen shekarada tek shekaralyq jáne eksporttyq baqylaýdy júzege asyratynyn, bul EAEO týraly Sharttyń negizgi qaǵıdattary men normalaryna, sondaı-aq ulttyq zańnamaǵa qaıshy kelmeıtinin atap ótti. Kórsetilgen sharalar júk avtokólik quraldarynyń qozǵalysyna kedergi keltirmeıdi.
Sonymen qatar, aǵymdaǵy jyldyń aqpan aıynda taraptar arasynda ózara saýdada tasymaldanatyn júkke arnalǵan elektrondyq shot-faktýralardy (EShF) paıdalaný qajettiligi týraly ýaǵdalastyqqa qol jetkizildi. Taraptardyń fıskaldyq organdary bıznes sýbektileri arasynda túsindirý jumystaryn júrgizýge mindettendi. Bul rette, EShF paıdalaný jónindegi mindetteme taraptardyń zańnamalarynda bekitilgen.
Alaıda, bul kelisimdi Qyrǵyz Respýblıkasynyń jóneltýshileri saqtamaıdy. Júk tasymaldaýshylardyń aıtýynsha, qyrǵyz tarapynda merzimdi jınalý shekaradan ótý aldynda tasymaldanatyn júkterge qujattardy resimdeýdi kútý sebebinen týyndaıdy.
Óz kezeginde, EShF-nyń bolmaýy kóleńkeli saýdanyń aıqyn belgisi, tıisinshe jóneltýshi eldegi tabysqa salynatyn salyqty jasyrý jáne alýshy eldegi QQS-tan jaltarý.
Osyǵan baılanysty, Qazaqstan Respýblıkasynyń salyq organdary Salyq kodeksiniń normalaryna sáıkes Qazaqstan Respýblıkasynyń aýmaǵynda qaýipti júk avtokólik quraldaryna tekserý júrgizedi.
Aǵymdaǵy jyldyń 5 aıynda Qazaqstan Respýblıkasynyń aýmaǵynda 4,7 myń júk avtokólik quraldary nemese Qyrǵyz Respýblıkasynan ótken jalpy sanynyń 4% tekserildi, buzýshylyqtar 99%-da belgilendi. Jalǵan aktsızdik markalardy, maınıngtik jabdyqtardy, elektrondyq temeki men basqa da taýarlardy tıisti resimdeýsiz ákelý jaǵdaılary anyqtaldy.
Shekaradaǵy ótkizý pýnktinde Qazaqstan Respýblıkasynyń memlekettik kirister organdary tekserý is-sharalaryn júrgizbeıtinin atap ótý mańyzdy.
Buzýshylyqtardy anyqtaý boıynsha memlekettik kirister organdarynyń jumysyn uıymdastyrý kezdesýge qatysýshylarǵa kórneki túrde kórsetildi.
Barlyq anyqtalǵan buzýshylyq faktileri týraly Qyrǵyz Respýblıkasynyń fıskaldyq organdaryna habarlanǵanyn atap ótý qajet.
EEK ókilderiniń jumys saparynyń qorytyndylary aǵymdaǵy jylǵy 8 maýsymda ótken Kelispeýshilikter men daýly jaǵdaılardy joıý jáne EAEO-da taýarlardyń erkin ótkizilýin qamtamasyz etý máseleleri jónindegi Komıtettiń otyrysynda talqylandy.
EEK ókilderi óz sózinde Qazaqstan Respýblıkasy ótkizý pýnktterinde kedendik baqylaýdy júzege asyrmaıtynyn atap ótti.
Otyrys qorytyndysy boıynsha komıssııa Qyrǵyz tarapyna qajet bolǵan jaǵdaıda ótkizý pýnktteri arqyly júk tasymalyna ishki salyqtyq baqylaýdy uıymdastyrý boıynsha qosymsha sharalar qabyldaýdy usyndy.
Sondaı-aq, taraptarǵa taýarlar týraly aqparat almasýdy jetildirý jáne buryn qol jetkizilgen ekijaqty ýaǵdalastyqtardyń iske asyrylýyn qamtamasyz etý usynyldy.