Qazaq kúresinen el birinshiligi: Elnar Janbolatuly túıe balýan atandy

<p>ASTANA. KAZINFORM &ndash; Aqtóbe qalasynda qazaq kúresinen jastar (uldar men qyzdar) arasynda Qazaqstan Respýblıkasy chempıonaty óz máresine jetti. Jarystyń sońǵy kúni úsh salmaq sanatynda balýandar ózara myqtyny anyqtap qana qoımaı, túıe balýandar ataǵyn da sarapqa saldy.</p>

Atap aıtsaq, keshe sońǵy jarys kuni 55 keli salmaqta bas júldeni túrkistandyq Rýzımon Týgýshev jeńip alsa, ekinshi oryndy Erdos Ǵızat (Abaı oblysy), al úzdik úshtikti Bilimjan Talǵat (Almaty qalasy) qanjyǵasyna baılady.

60 keli salmaqta chempıondyq ataqqa shymkenttik Baǵdat Oralbaı qol jetkizse, kúmis júldeni Sáken Majıt (Almaty qalasy), qola júldelerdi Bereke Serik (Jambyl oblysy) pen Janserik Askerbekuly (Aqtóbe oblysy) ózara bólisti.

66 kelide jambyldyq Jalǵas Josparǵa teń keler eshkim bolǵan joq. Ekinshi oryndy Bekjan Ǵalymjan (BQO) jeńip alsa, úzdik úshinshi oryndardy Ǵazız Ospan (Shymkent qalasy) men Nurjan Sársenǵalıev (Atyraý oblysy) ózara bqlisip aldy.

Al birinshiliktiń sońynda túıe balýandar saıysy ótti. Asa tartysty ótken beldesýde bas júlde batysqazaqstandyq Elnar Janbolatulyna buıyrdy. Ekinshi oryndy Sardar Abdısamıtuly (Túrkistan oblysy) jeńip alsa, úshinshi oryndardy Alıhan Nazymhanov (Túrkistan oblysy) pen 
Bıbarys Nuǵman (Jambyl oblysy) ıelendi.

Jalpykomandalyq esepte І oryndy – Jambyl oblysy (3 altyn, 2 kúmis, 3 qola), ІІ oryn – Abaı oblysy (2 altyn, 4 kúmis, 4 qola), ІІІ oryn – Túrkistan oblysy (2 altyn, 3 kúmis, 7 qola medal) ıe boldy

Ulttyq qundylyǵymyz ári tól sportymyz – qazaq kúresi nasıhattalyp jatqan bul chempıonat aıasynda 2004-2006 jyldary týǵan balýandar arasynda ótti.

Esterińizge sala keteıik, osyǵan deıin jarystyń birinshi jáne ekinshi kúni kimder jeńimpaz atanǵanyn jazǵan bolatynbyz.