ASTANA. KAZINFORM – Úndistan astanasy Delı qalasynda 26-27 aqpan kúnderi qazaq kúresinen eresekter arasyndaǵy álem chempıonaty ótedi. Oǵan álemniń 20-dan astam memleketinen 200-ge jýyq balýany qatysady.
Álem chempıonaty eki kúnge sozylady. Onda erler men áıelder 16 salmaq dárejesinde synǵa túsedi.
Qazaqstandyq balýandar atalǵan jarysqa daıyndalyp jatyr.
Ulttyq qurama músheleri 14 aqpanda Almaty qalasyna jınalady. Qurama sapynda Bekjan Tólepov, Jumajan Qojambekov, Ersultan Muzapparov, Nurdáýlet Jarylǵapov, Zarına Sarıpova, Raýza Nurmahammetova jáne Roza Nysantaıqyzy syndy úzdikter bar.
Eske sala keteıik, budan buryn elordada qazaq kúresinen «Dala qyrandary» týrnıriniń jeńimpazdary anyqtalǵanyn habarlaǵan edik.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.