Qazaq kúresinen Qajymuqan Muńaıtpasov júldesine arnalǵan Azııa kýbogy aıaqtaldy
Eki kúnge sozylǵan dúbirli dodada «Túıe balýan» atanǵan talantty sportshy Temirlan Kólbaı kópshiliktiń ystyq yqylasyna bólendi.
Ol bas júldege ıe bolyp, «Nıva» avtokóligin jeńip aldy.
Al Almaty oblysynyń ókili Madı Edilbaev kúmis júldeger atansa, qola júldeni Abaı oblysynyń maqtanyshy Áset Ahmetjanov qanaǵat tutty.
Jeńimpazdar men júldegerlerdi Túrkistan oblysy dene shynyqtyrý jáne sport basqarmasynyń basshysy Qanat Joldyqaraev pen kúrestiń bilikti mamany Qýat Baıhodjaev, sonymen qatar qazaq kúresinen Qazaqstannyń memlekettik jattyqtyrýshysy Jeńis Bıtkózov marapattady.
Aıta óterligi, alaman kúres dodasynyń bas júldesine Ordabasy aýdanynyń ákimi Nurbek Badyraqov demeýshi bolyp, ordabasylyqtar atynan avtokólikti syıǵa tartty.
Osylaısha Qajymuqannyń jerlesteri qazaq kúresiniń jańǵyrýyna úles qosty.
Qazaq kúresi qaýymdastyǵy ókilderiniń aıtýynsha, Qajymuqan atyndaǵy Azııa kýbogyn jyl saıyn dástúrli túrde uıymdastyrý josparlanyp otyr.
Biz budan aldyn Túrkistanda Qajymuqan Muńaıtpasulynyń júldesine arnalǵan halyqaralyq týrnır bastalǵanyn jazǵan bolatynbyz.