Qazaq kúresin Olımpıada baǵdarlamasyna engizý jumysy júrip jatyr

ASTANA. QazAqparat – Aldaǵy ýaqytta qazaq kúresi halyqaralyq olımpıada oıyndarynyń tizimine enýi múmkin. Qazir bul baǵytta jumys júrip jatyr. Onyń barysy týraly «Qazaqstan barysy» qorynyń resmı ókili Dıas Ahmetshárip aıtyp berdi, dep habarlaıdy QazAqparat tilshisi.

«Qazaqstan barysy» týrnırin halyqaralyq deńgeıge shyǵarý boıynsha búginge deıin ulttyq sport túrlerin keńinen dáriptep kelemiz. Mysaly, japondyqtardyń sýmo kúresi, tatarlardyń beldesý kúresi, al bizde qazaq kúresi bar. Bizdiń basty maqsat – qazaq kúresin Olımpıada baǵdarlamasyna engizý. Búginde qazaq kúresi elimizben qatar alys-jaqyn shetelde tanymal. «Qazaqstan barysynan» bólek Eýrazııa jáne álem barysyn ótkizip kelemiz», - dedi Dıas Ahmetshárip elordada ótken baspasóz máslıhatynda.

Onyń aıtýynsha, qazaq kúresin halyqaralyq arenaǵa shyǵaratyn ýaqyt keldi.

«Qazir bul baǵytta jumys júrip jatyr. Múmkin 2028 jyly, múmkin 2032 jyly bolyp qalar», - deıdi ol.