Qazaq kúresi: Taǵy bir qazaqstandyq kelesi aınalymǵa ótti
13:39, 28 Qazan 2017
ASTANA. QazAqparat - Astanada ótip jatqan qazaq kúresinen álem chempıonatynda 90 keli salmaqta synǵa túsip jatqan otandasymyz Ádiljan Ystybaev alǵashqy beldesýinde jeńiske qol jetkizip, kelesi aınalymǵa ótti, dep habarlaıdy QazAqparat tilshisi.
Ystybaev alǵashqy beldesýinde latvııalyq Mıktsık Sýtsty jarys jolynan taıdyrdy.
Eske salsaq, osyǵan deıin Ersultan Muzafarov eki beldesýinde de jeńiske jetken bolatyn.
Aıta keteıik, álem birinshiligine 40 memleketten kelgen 166 sportshy baq synap jatyr. Olar 9 salmaq dárejesinde 40 medal men 40 myń AQSh dollaryn quraıtyn júlde qoryn sarapqa salady. Ár salmaq dárejesiniń jeńimpazdary 2000 AQSh dollaryna ıe bolsa, ekinshi orynǵa - 1000 AQSh dollary, úshinshi orynǵa - 500 AQSh dollary beriledi. Al absolıýtti salmaq jeńimpazy - 5000, ekinshi oryn - 2000, úshinshi oryn - 1000 AQSh dollaryna ıe bolady.