Qazaq kúresi: Mońǵolııa balýandary Azııa chempıonatynyń úshinshi altynyn enshiledi

ASTANA. QazAqparat - Qazaq kúresinen Azııa chempıonatynyń 66 kelige deıingi básekesi sońyna jetti. Ókinishke qaraı, atalǵan salmaqta qazaq balýany boz kilemge shyqqanymen, mońǵolııalyq Bashýý Iondonperenleıge ese jiberdi, dep habarlaıdy QazAqparat tilshisi.

Fınalda Mońǵolııa sportshysy Bashýý Iondonperenleıge qarsy Qazaqstannan Nurbolat Іzimǵalıev shyqqan bolatyn. Báseke tartysty ótip, aqyly men kúshi toǵystyra bilgen mońǵol balýany jeńisti julyp áketti.

66 keli salmaqta úshinshi oryndy tájikstandyq Razıovlok Loıkov pen ózbekstandyq Donııar Sultanbaev bólisti.

Aıta ketsek, osyǵan deıin Azııa chempıonatynda 5 salmaq boıynsha birinshi oryn 2 qazaq jáne 2 mońǵol, 1 túrikmenstandyq balýandarynyń enshisinde ketti.

Eske sala ketsek, elordadaǵy «Dáýlet» sport kesheninde Qazaq kúresinen Azııa chempıonaty ótip jatyr. Azııa chempıonatynda 11 elden 77 balýan 8 salmaq dárejesi boıynsha synǵa túsýde. Chempıonatta Qazaqstan sortshylarymen birge Mońǵolııa, Tájikstan, Túrikmenstan, Pákistan, Ózbekstan, Shrı-Lanka, Japonııa, Iran, Qyrǵyzstan, Úndistannan kelgen sportshylar ózara baq synasty. Jalpy chempıonattyń júlde qory - 20 myń AQSh dollary.