Qazaq kúresi: Marat Nyǵmatýllaev fınalǵa shyqty

ASTANA. QazAqparat - Astanada ótip jatqan qazaq kúresinen álem chempıonatynda 55 keli salmaqta synǵa túsip jatqan otandasymyz Marat Nyǵmatýllaev jartylaı fınalda brazılııalyq balýandy utyp, fınalǵa shyqty, dep habarlaıdy QazAqparat tilshisi.

Aıta keteıik, álem birinshiligine 40 memleketten kelgen 166 sportshy baq synap jatyr. Olar 9 salmaq dárejesinde 40 medal men 40 myń AQSh dollaryn quraıtyn júlde qoryn sarapqa salady. Ár salmaq dárejesiniń jeńimpazdary 2000 AQSh dollaryna ıe bolsa, ekinshi orynǵa - 1000 AQSh dollary, úshinshi orynǵa - 500 AQSh dollary beriledi. Al absolıýtti salmaq jeńimpazy - 5000, ekinshi oryn - 2000, úshinshi oryn - 1000 AQSh dollaryna ıe bolady. Qazaqstan quramasynan toǵyz sportshy qatysady.

 Olar: Marat Nyǵmatýllaev 55 keli, Qýanysh Ysqaqov 60 keli, Qasymhan Tólenbaı 66 keli, Ǵalymjan Ábdirahmanov 74 keli, Ersultan Muzafarov 82 keli, Ádiljan Ystybaev 90 keli, Aleksandr Kasachev 100 keli, Rýslan Ábdyrazaqov 100+ keli, Aıbat Seıten (túıe balýan).