Qazaq kúresi: Búgin el namysyn kimder korǵaıdy
11:47, 29 Qazan 2017
ASTANA. QazAqparat - Astanada qazaq kúresinen álem chempıonaty jalǵasýda, dep habarlaıdy QazAqparat tilshisi.
Keshe jalaýy jelbiregen dodanyń búgin ekinshi kúni. Jarystyń alǵashqy kúni otandastarymyz úsh altyn, bir qola medal enshilegen bolatyn.
Úsh altyndy 55 kelide óner kórsetken Marat Nyǵmatýllaev, 82 keli salmaqta synǵa túsken balýanymyz Ersultan Muzafarov jáne 90 keli salmaqta Ádiljan Ystybaev chempıon atansa, asa aýyr salmaqta Rýsylan Ábdirazaqov qola medal jeńip alǵan bolatyn.
Búgin qazaq balýandary arasynda el namysyn 60 kelide Qýanysh Ysqaqov, 66 kelide Qasymhan Tólenbaı, 74 kelide Ǵalymjan Ábdirahmanov jáne absalıýtty salmaqta Aıbat Seıten (túıe balýan) qorǵaıdy.