Qazaq-koreı birlesken is-sharalar jospary jasalady – Vera Kım

<p>ASTANA. KAZINFORM &ndash; Májilis depýtaty, Qazaqstandaǵy koreıler qaýymdastyǵynyń ókili Vera Kım Qazaqstan men Koreıa Respýblıkasynyń mádenı-gýmanıtarlyq baılanystary týraly aıtyp berdi.</p>

«Qazaqstan Ońtústik Koreıamen óte dostyq qarym-qatynasta, búgingi kún sonyń kýási. Qazir qazaqstandyq jastar koreı telehıkaıalaryn jıi kóredi, sondaı-aq koreılik tanymal mýzykany tyńdaıdy, ıaǵnı K-pop óte tanymal. Biz Koreıada densaýlyq saqtaý, bilim berý, mashına jasaý jáne bıznestiń basqa da salalary ilgeri damyǵan júıe ekenin bilemiz. Qazaqstan men Ońtústik Koreıanyń ózara almasatyn kóp nárse bar», - dedi Vera Kım Astanada eki el Prezıdentiniń qatysýymen ótken gala-kontsert barysynda.

Ekijaqty kezdesý barysynda Memleket basshysy Qasym-Jomart Toqaev Qazaqstanda turatyn koreı dıasporasyna tildi saqtaý men damytýda qajetti qoldaý kórsetiletinin aıtqan edi.

«Bilim berý jáne mádenı is-sharalar uıymdastyrylady. Bul baǵytta kelissózder júrgizilip jatyr. Jaqyn arada birlesken is-sharalar jospary jasalady», - dedi Vera Kım.

Aıta ketsek, Memleket basshysy Qasym-Jomart Toqaev pen ıÝn Sok El eki el ónerpazdarynyń gala-kontsertin tamashalady. 

Sondaı-aq, mádenı shara barysynda eki el prezıdenti «Uly dala altyny» kórmesin aralady.