Qazaq qyzy Ózbekstanǵa tuńǵysh Olımpıada joldamasyn syılady

<p>ASTANA. KAZINFORM &ndash; Keshe ǵana kúres túrlerinen Qyrǵyzstan astanasy Bishkek qalasynda Azııa aımaqtyq Olımpıada oıyndaryna irikteý jarysy óz máresine jetti.</p>

Atalǵan synda erkin kúres sheberleri eki joldamaǵa qol jetkizse, grek-rım kúresiniń sheberleri úsh lıtsenzııa jeńip aldy. Erler arasyndaǵy básekege ár quramdan bes balýannan attanǵan edi.

Al «áıelder quramasynan alty balýan Olımpıada joldamasyna talasyp, ókinishke qaraı barlyǵy lıtsenzııaǵa qol jetkize almady.

Alaıda, Ózbekstan quramasy sapynda Parıj olımpıadasynyń joldamasyna talasqan 50 keli salmaqtaǵy qazaq qyzy alǵash ret Ózbekstanǵa áıelder kúresinen Olımpıada joldamasyn syılady. Tarıhı lıtsenzııany qandasymyz Aqteńge Keýnımjaeva jeńip aldy.

Ol belgili sport jýrnalısi Teljan Kúderovke bergen suhbatynda óziniń ulty qazaq ekenin, al rýy kishi júz ishinde álim ekenin jasyrmaı aıtyp berdi.