ASTANA. KAZINFORM – Prezıdent Qasym-Jomart Toqaevtyń jáne QHR Memlekettik keńesiniń birinshi vıtse-premeri, QKP OK Saıası bıýrosy Turaqty komıtetiniń múshesi Dın Sıýesıanniń qatysýymen Qazaq-qytaı iskerlik keńesiniń 8-shi otyrysy bastaldy. Bul týraly Aqordanyń baspasóz qyzmeti habarlady.
Іs-sharaǵa Qazaqstan men Qytaıdyń memlekettik organdary men bıznes qurylymdarynyń 500-den asa ókili, sonyń ishinde 70-ten asa Qytaıdyń iri korporatsııalarynyń jetekshileri qatysyp otyr.
Foto: AqordaBeıjińde Qazaqstan-Qytaı Іskerlik keńesiniń 8-shi otyrysy ótetinin jazǵan bolatynbyz.
Foto: Aqorda«Samuryq-Qazyna» AQ málimetine sáıkes, aldaǵy is-sharanyń kún tártibine energetıkalyq yntymaqtastyqty damytý jáne turaqty «jasyl» ósimdi ilgeriletý, logıstıkalyq jáne óndiristik tizbekterdi keńeıtý kiredi.
Elmıra Oralbaeva
Abaı atyndaǵy qazaq ulttyq pedagogıkalyq ýnıversıtetiniń túlegi. 2023 jyldan bastap Kazinform halyqaralyq aqparat agenttiginde shyǵarýshy redaktor qyzmetin atqaryp keledi.