Qazaq-qytaı shekarasynda zilzala dúrkin-dúrkin qaıtalanyp jatyr

<p>Tótenshe jaǵdaılar mınıstrligine qarasty seısmıkalyq stansalar jelisi búgin 8 qarashada Qytaıda bolǵan birneshe jer silkinisin tirkedi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aıta keteıik, búgin 00:09 kezinde Almaty men qala mańynda 2 baldyq jer silkinisi tirkelgen edi.

Tabıǵat apaty Qytaıda bolsa da, onyń kúshi Almaty qalasynda, Shalkóde, Uzynbulaq, Kókpek aýyldarynda 2 ball kóleminde sezildi.

Sodan keıin Almaty ýaqytymen 00:15 jáne 00:52 kezinde taǵy eki márte zilzala boldy.

Sońyra 01:34 kezinde Almatydan ońtústikke qaraı 311 shaqyrym jerde, Qytaı aýmaǵynda taǵy jer silkindi.  

Jerasty dúmpýiniń energetıkalyq sanaty — 10.8. MPV magnıtýdasy — 4.8. Tereńdigi — 10 shaqyrym.

Almaty ýaqytymen 01:46-da zilzala taǵy qaıtalandy. 

Eń sońǵy silkinistiń oshaǵy da Almatydan ońtústikke qaraı 308 shaqyrym jerde Qytaıda ornalasqan.

Energetıkalyq sanaty — 9.9. MPV magnıtýdasy — 4.4. Tereńdigi — 10 shaqyrym.

Sońǵy tórt zilzala Qazaqstan aýmaǵynda sezilgen joq.