Qazaq-qyrǵyz shekarasynda 40 tonnaǵa jýyq buzylǵan shıe anyqtaldy

<p>ASTANA. KAZINFORM&nbsp;&mdash; Qazaq-qyrǵyz shekarasynda 40 tonnaǵa jýyq zararly shıe anyqtaldy. Bul jaıynda Aýyl sharýashylyǵy mınıstrligi agroónerkásip keshenindegi memlekettik ınspektsııa komıtetinen habarlandy.&nbsp;</p>

Ótken aptada Qyrǵyz Respýblıkasymen shekaralas aýmaqta ornalasqan Jambyl oblysynyń fıtosanıtarııalyq baqylaý beketterinde Qyrǵyz Respýblıkasynan Reseı Federatsııasyna jiberilgen shıeniń tranzıttik karantınge jatqyzylǵan ónimine ınspektorlar karantındik fıtosanıtarııalyq baqylaý júrgizdi.

Sol kezde shıeniń karantındik drozofıla zııankesteriniń dernásilderimen zaqymdanýynyń 2 jaǵdaıy anyqtaldy.

Zalaldanǵan ónimniń jalpy kólemi 39 tonnadan asady.

QR ÁQBtK-niń 400-babyna sáıkes fıtosanıtarııalyq talaptardy buzǵany úshin ákimshilik aıyppul salyndy.

Sonymen qatar, zararly ónim dereý eksporttaýshy elge qaıtaryldy.

Esterińizge sala keteıik, drozofıla — kishkentaı shybyndar (jemis shybyndary), olardyń mólsheri shamamen 2-4 mıllımetr jáne salmaǵy eki mıllıgramm, ádette qońyr-sur deneleri men qyzyl kózderi bar.

Dernásilderi ósimdik tektes sýbstrattarda damıdy.

Shybyndar shirigen kókónister men jemistermen, ashyǵan aǵash shyrynymen, sańyraýqulaqtardyń jemis denelerimen jáne mıkrofloraǵa baı basqa organıkalyq qaldyqtarmen qorektenedi.