Qazaq-qyrǵyz shekarasy mańynda turatyn eki azamat esirtki satqany úshin 13 jylǵa sottaldy

<p>Geroınmen ustalǵandardyń árqaısysy 13 jylǵa bas bostandyǵynan aıyryldy, dep málim etti Qyrǵyz Respýblıkasynyń Ulttyq qaýipsizdik memlekettik komıteti. <a href="Kazinform" target="_blank" rel="noopener">Kazinform </a>bul týraly <a href="https://kabar.kg/news/zhiteli-prigranichnykh-raionov-na-kyrgyzsko-kazakhskoi-granitce-osuzhdeny-na-13-let-za-torgovliu-narkotikami-gknb/" target="_blank" rel="noopener">Kabar</a>-ǵa silteme jasap habarlaıdy.</p>

Vedomstvo aqparaty boıynsha, júrgizilgen jedel-izdeý sharalary barysynda Qazaqstan men Qyrǵyzstan shektesetin aımaq turǵyndary uıymdastyrǵan aýyr esirtki zattarynyń zańsyz aınalymynyń joly kesildi.

QR QK 282-baby boıynsha qozǵalǵan qylmystyq is aıasynda túrli esirtki quraldaryn Qyrǵyz Respýblıkasy aýmaǵynda jáne basqa elderge taratqan Z.E.Z. jáne Sh.E.Dj atty Qyrǵyzstan azamattary men qazaqstandyq azamattar anyqtaldy.

2022 jyldyń 13 qarashasynda salmaǵy 1105 gramm geroındi (qara naryqtaǵy baǵasy – 5 mln som) tasymaldaý kezinde Shý oblysy Jaıyl aýdany «Sosnovka» salmaq ólsheý postynda Talas oblysynyń týmasy ári turǵyny Sh.E.Dj. jáne osy arnany uıymdastyrǵan Talas oblysynyń týmasy Z.E.Z. ustaldy.

Jaıyl aýdandyq sotynyń sheshimimen Z.E.Z. men Sh.E.Dj.13 jyl bas bostandyǵynan aıyrylyp, múlki tárkilendi.

QR UQMK zańsyz esirtki aınalymymen aınalysqandardy qatań jaza kútip turǵanyn eskertti.