«Qazaq hanymdary» jáne «Qazaq áıelderi» degen taqyrypta entsıklopedııalyq jınaqtar ázirlenedi

ASTANA. QazAqparat - «Qazaq hanymdary», «Qazaq áıelderi» degen taqyrypta entsıklopedııalyq jınaqtar ázirleý kerek. Bul týraly búgin L.N. Gýmılev atyndaǵy EUÝ-da «Qazaq handyǵy tusyndaǵy hanymdar men arýlar» atty respýblıkalyq ǵylymı-tájirıbelik konferentsııada QR Memlekettik hatshysy Gúlshara Ábdiqalyqova málim etti.

«Halyqtyń tarıhı tanymyn arttyrý maqsatynda «Qazaq hanymdary», «Qazaq áıelderi» degen taqyrypta entsıklopedııalyq jınaqtar ázirlep, jaryqqa shyǵarsaq, ıgi ister bolatyny anyq. Buǵan qosa halqymyzdyń tarıhyndaǵy taǵylymdyq kezeńderdi, jalpy ulttyq qundylyqtardy jastar sanasyna sińirý úshin elimizdegi joǵary oqý oryndarynda «ult dástúri» atty elektıvti kýrstar engizýdi josparlaǵanymyz jón»,- dedi Memlekettik hatshy.

Osy oraıda G. Ábdiqalyqova bul baǵyttaǵy máselelerdi Bilim jáne ǵylym mınıstrligi QR Mádenıet jáne sport mınıstrligimen birlese saraptap, aldaǵy ýaqytta laıyqty túrde júzege asyratynyna senim artty.

Aıta keteıik, atalǵan respýblıkalyq ǵylymı-tájirıbelik konferentsııany QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııa, L.N. Gýmılev atyndaǵy EUÝ men Qazaqstandaǵy BUU Damý baǵdarlamasy uıymdastyrdy. Konferentsııaǵa qatysýshy ǵalymdar Aıǵanym hansha, Bopaı hanym men Baı Ananyń, Toıqara hanymnyń jáne qazaq halqynyń ózge de belgili ókilderiniń esimderi jaıynda baıandamalar jasady.