Qazaq handyǵynyń 550 jyldyǵyn búkil el bolyp atap ótýimiz qajet - B.Saparbaev
B.Saparbaev óz sózinde Elbasy N.Nazarbaev kelesi jyly Qazaq handyǵynyń 550 jyldyǵy atap ótkiletindigin aıtqandyǵyn eske salǵan ol: «Jaqynda ǵana Úkimet qaýlysy qabyldandy. Oǵan sáıkes osy is-sharany ótkizý úshin respýblıkalyq komıssııa quryldy. Onyń tóraǵasy Premer-Mınıstrdiń orynbasary, quramyna Prezıdent Ákimshiligi basshysynyń orynbasary, mınıstr, Jambyl oblysynyń ákimi, mınıstrlerdiń, oblys ákimderiniń orynbasarlary endi»,- dedi.
Onyń aıtýynsha, búgin komıssııanyń birinshi otyrysyn ótkizýdegi maqsat - keleshekte qandaı is-sharalar ótkizý kerektigin pysyqtaý.
«Bul merekeni búkil qazaqstandyqtar bolyp atap ótýimiz kerek. Memlekettiń qalyptasýy sol kezden bastalatyndyǵyn nyqtap, onyń qazaqqa ǵana emes, Qazaqstanda turyp jatqan barlyq ulttar men ulystardyń ókilderine qatysty ekenin pash etýge tıispiz»,- dedi ol.
Úkimet basshysy orynbasarynyń sózine qaraǵanda, Qazaq handyǵynyń 550 jyldyq mereıtoıyna qatysty is-sharalar tek qana Jambyl óńirmen shektelmeýi tıis. Sebebi qazaq handyǵynyń ary qaraı damýyna, qalyptasýyna basqa da qalalardyń úlesi bar. Máselen, Túrkistan, Syǵanaq, ar jaǵyndaǵy Saraıshyq, Bókeı ordasy, myna jaqta Ulytaý, Kókshetaý jáne basqa bizdiń qalalarymyz handyq bolǵan eldi mekender», - dedi ol.