Qazaq handyǵynyń 550 jyldyǵyn atap ótý - Qazaqstanda ómir súretin etnostarǵa qazaq halqynyń ǵana emes, óz tarıhyn da tereń zerttep bilýge múmkindik beredi - Q. Mamsýrov
«Óz halqynyń tarıhyn bilmegen adam, ózge halyqtardyń da tarıhyn bilip jarytpaıdy. Demek, ol ózge halyqtyń ókilderimen de jetkilikti dárejede yntymaqtastyq ornata almaıdy degen sóz. Sondyqtan, bıyl elimizde atap ótilip jatqyn Qazaq handyǵynyń 550 jyldyǵy Qazaqstanda ómir súrip kele jatqan 130-dan astam etnosqa qazaq halqynyń ǵana emes, óz halqynyń da tarıhyn tereń zerttep bilýge múmkindik beredi. Ótkizilip jatqan konferentsııalar, kórmeler, kezdesýler, baıqaýlar soǵan jol ashady. Munyń barlyǵy túptep kelgende bir-birimizdi jaqsy túsinip, birigip, Elbasynyń usynǵan bes ınstıtýtsıonaldyq reformasyn júzege asyrýda 100 naqty qadamdy oryndaýǵa septigin tıgizedi», - dedi Qazbek Mamsýrov.
Dóńgelek ústel Qazaq handyǵynyń 550 jyldyǵyna oraı uıymdastyrylǵan «Uly dala eli» tarıhı-mádenı ekspedıtsııasy aıasyndaǵy ótkizilip otyr. Oǵan Almaty qalalyq Qazaqstan halqy Assambleıasynyń músheleri, qoǵam qaıartkerleri, tarıhshy ǵalymdar, joǵary oqý oryndarynyń stýdentteri qatysty.
Sondaı-aq, dóńgelek ústel aıasynda «N. Á. Nazarbaevtyń qoǵamdyq kelisim men ulttyq birliktiń qazaqstandyq úlgisi» taqyrybynda dáristik tanystyrylym ótkizildi.
Budan basqa, Dostyq Úıinde Qazaq handyǵynyń tarıhyna arnalǵan jáne N.Á. Nazarbaevtyń etnosaralyq toleranttylyq pen qoǵamdyq kelisimniń Qazaqstandyq úlgisine arnalǵan kitap kórmesi uıymdastyryldy.
Qazaqstan halqy Assambleıasy «Uly dala eli» tarıhı-mádenı ekspedıtsııasy Taraz qalasynda «Tarıh tolqynyndaǵy Uly dala» atty kórmemen qorytyndylanady.