Qazaq handyǵynyń 550 jyldyǵy: Astanada «Tarıh pen til tamyrlas» atty jas aqyndar músháırasy ótedi

ASTANA. QazAqparat - Astana qalasynyń Tilderdi damytý basqarmasy Qazaqstan halqy tilderiniń HVII qalalyq festıvali aıasynda Qazaq handyǵynyń 550 jyldyǵyna arnalǵan «Tarıh pen til tamyrlas» atty jas aqyndar músháırasyn ótkizedi.

Músháıranyń maqsaty - ulttyq tarıhty ulyqtaý, tildiń tereńdigin tanytý. Memlekettilik pen eldikti qalyptastyrýdaǵy qos uǵymnyń mańyzdylyǵyn jas urpaqtyń sanasyna sińirý. Jas aqyndardyń poezııa ónerine qoldaý kórsete otyryp, tarıhı-ádebı shyǵarmashylyqqa jumyldyrý. Qazaq tiliniń qoldanys aıasyn jan-jaqty keńeıtý. Qazaq handyǵynyń 550 jyldyǵy mereıli mejesin kópshilikke pash etý.

Saıys eki kezeńnen turady: irikteý kezeńi jáne qorytyndy kezeń. Músháıra sharttary:

- músháıraǵa 14-29 jas aralyǵyndaǵy jas aqyndar qatysa alady;

- qatysýshylar ózi týraly málimet (aty-jóni, oqý/qyzmet orny, jetistikteri, baılanys telefony jáne sýreti) joldaıdy;

- Qazaq handyǵynyń 550 jyldyǵyna arnalǵan óz óleńderin usyný kerek;

- oqylatyn shyǵarmalar kólemi 2-3 mınýttan aspaýy kerek.

Jastar músháırasyna qatysýǵa ótinishter men óleńder 15 qyrkúıekke deıin qabyldanyp, iriktelip, úmitkerlerge 16 qyrkúıek kúni habarlanady. Qorytyndy saıys 22 qyrkúıek kúni ótkiziledi. Qazylar aqynnyń sóz qoldanysyna, óleńniń mazmuny men tereńdigine; uıqasyna, kórkemdik ereksheligine, taqyrypty ashý sıpatyna; shyǵarmalaryn oqý sheberligine; til tazalyǵyna, sahna mádenıeti jáne kıimine nazar aýdarady.

Jeńimpazdar baǵaly syılyq, dıplom jáne alǵyshattarmen marapattalady.

Qatysýshylar týraly joǵarydaǵy kórsetilgen aqparattar, óleńder (elektrondyq nusqada) 2015 jylǵy 15 qyrkúıekke deıin joldaný kerek.

Baılanys telefondary: 55-67-25, 8-775-335-04-14;

e-mile: [e-mail]