QAZAQ HANDYǴYNA 550 JYL: Almatyda ótken alaman aıtysta batysqazaqstandyq J.Mýsına úshinshi júldeni enshiledi
«Nur Otan» partııasynyń qoldaýymen ótken aıtýly dodada elimizdiń túkpir-túkpirinen barǵan kil azýlylar baq synady. Eki kúnge sozylǵan aıtys qorytyndysynda pavlodarlyq Aspanbek Shuǵataev bas júldeni (jeńil avtokólik) jeńip aldy. Birinshi, ekinshi júlde astanalyqtar Erkebulan Qaınazarov pen Meıirbek Sultanhannyń enshisinde ketti. Arqalyq qalasynan kelgen Aıbek Qalıev, batysqazaqstandyq Jansaıa Mýsına jáne qaraǵandylyq Maqsat Aqanov úshinshi oryndy ıelendi.Sóıtip qyzdardyń arasynan jalǵyz Jansaıa ǵana júldege qol jetkizdi. J.Mýsına birinshi aınalymda shymkenttik Qalıjan Bildáshevpen synǵa tússe, fınalda Erkebulan Qaınazarovpen sóz talastyrdy. Eske sala keteıik, Qazaq handyǵynyń 550 jyldyǵyna oraı 25 tamyzda BQO-nyń Bókeı ordasy aýdanyndaǵy Han ordasy aýylynda ótken respýblıkalyq aıtysta J.Mýsına bas júldeni (1,5 mln. teńge) oljalaǵan bolatyn.