Qazaq handyǵy týraly mýlfılmdi daıyndaý jas anımatorlarǵa berildi

ASTANA. QazAqparat - Jas anımatorlardan quralǵan top Qazaq handyǵyna arnalǵan «El amanaty» anımatsııalyq fılmin jasap jatyr. Bul týraly QR Mádenıet jáne sport mınıstrliginiń alqa májilisinen keıin Mádenıet jáne óner isteri departamentiniń dırektory Aqtoty Raıymqulova málim etti.

«Sýretshilerdiń barlyǵy ózimizden. Olar óte talapty jastar. Qazirgi kezde fılmdegi keıipkerlerdiń daýysyn salatyndardy iriktep jatyrmyz», - dedi ol. Onyń aıtýynsha, mýltfılm aldaǵy jaz aılarynda kórermen nazaryna usynylmaq. Ony túsirý úshin elimizdiń tarıhy týraly birqatar elderdiń muraǵattarynan qujattar paıdalanylýda. «Biz bul ónim el ishinde jáne sonymen qatar shetelderde de kórermenderdiń qyzyǵýshylyǵyna ıe bolatyndaı maqsat-mindetti aldymyzǵa qoıyp otyrmyz»,-dedi A. Raıymqulova.