Qazaq handary men batyrlary jaıynda anımatsııalyq fılm kórermenderge jol tartady

ASTANA. QazAqparat - Qazaq handary men batyrlary týraly anımatsııalyq fılm túsirilýde. Búgin Ortalyq kommýnıkatsııalar qyzmetindegi brıfıngte QR Mádenıet jáne sport mınıstrliginiń Mádenıet jáne óner isteri departamentiniń dırektory Aqtoty Raıymqulova osylaı aıtty.

«El amanaty» atty árqaısysy 10 mınýtty qamtıtyn alty bólimdi anımatsııalyq fılm túsireıin dep jatyrmyz. Ol anımatsııalyq fılmderde Kereı men Jánibek handardy jastyq shaqtary men han kezderi sýrettelmek»,-dedi A. Raıymqulova.

Departament basshysynyń sózine qaraǵanda, buǵan qosa qazaq úshin qasıetti qujat, ıaǵnı «Jeti jarǵyny» qabyldaǵan Táýke han jaıynda, sonymen qatar Abylaı han, Naýryzbaı, Qabanbaı, Bógenbaı batyrlarymyz, Ańyraqaı shaıqasy týraly osy alty bólimdi anımatsııalyq fılm daıyndalý ústinde.

Budan buryn habarlanǵandaı, búginde Qazaq handyǵy týraly serıal túsirýge daıyndyq jumystary júrip jatyr. Onda Jánibek pen Kereı handyǵynan Kenesary hanǵa deıingi kezeń qamtylady.