Qazaq halqynyń jaqsylyǵyn eshqashan umytpaq emespiz – Valentın ıÝn
Onyń aıtýynsha, basyna qıyn-qystaý kún týǵanda baıtaq qazaq dalasyna kóship kelgender kóp.
Sonyń ishinde stalındik zulmat zaman ústemdik qurǵan ótken ǵasyrdyń otyzynshy jyldary káris ultynyń ókilderi de qazaq jerine deportatsııalandy.
Óz jerinen qýǵynǵa ushyraǵandar qatarynda ıÝnniń de otbasy boldy. Bir túnniń ishinde tutastaı aýyldy eshteńe aıtpastan, poıyzǵa tıep, alyp ketken. Mal tasıtyn vagondarda eńbektegen sábıden bastap eńkeıgen kárige deıin adam aıtqysyz aýyr kúı keship, bir aı jol júrgen. Jolda birde-bir stansaǵa aıaldamastan, Qaraǵandyǵa jetkizgen.
«Jergilikti halyqqa «halyq jaýlaryn» ákele jatqandaryn aıtyp, eshkimge qolushyn bermeýge buıryq bergen. Mine, soǵan qaramastan, ózderi tipti ash qursaq bolsa da, qazaqtar qolushyn sozyp, aldymen qarııalar men sábılerdi tamaqtandyryp, úılerine kirgizip jylytty. Shetke qaqqan joq, baýyryna tartty. Sondaı meıirimdi adamdardyń arqasynda bárimiz aman qaldyq. Men sol kezde bir jasta ekenmin. Alǵashqy jyly bizdi qazaqtar óz shańyraqtaryna jatqyzyp, qamqorlady. Kelesi jyly birtindep ózimiz úı salyp alyppyz. Sodan beri Qazaqstandy mekendep, óz Otanymyzda ómir súrip kelemiz», deıdi Valentın ıÝn.
Káris ultynyń ókilderi bul jaqsylyqty umytqan joq. Sonyń dálelindeı 2012 jyly Oralda «Qazaq halqyna myń alǵys!» atty monýment ornatyldy. Jyl saıyn osy eskertkish janynda túrli sharalar ótedi.
Bıyl da Alǵys aıtý kúnine oraı Aq Jaıyq jurtshylyǵy eskertkish janyna jıylyp, gúl shoqtaryn qoıdy. Qazaq halqyna degen shynaıy ynta-yqylasyn, qurmetin osylaısha bildirdi.
«Biz qazaq halqyna máńgilik qaryzdarmyz. Bul – barsha káris ulty ókilderiniń pikiri. Táýelsiz qazaq eliniń odan ári órkendep, damýyna biz de úlesimizdi qosa beretin bolamyz», dep túıindedi oıyn Valentın ıÝn.