Qazaq halqynyń qonaqjaılyǵyn qorqaqtyq dep qabyldaýǵa bolmaıdy - tarıhshy
«Qazaqstan Táýelsizdik alǵan ýaqyttan bastap elimizdi meken etken túrli ult ókilderiniń emin-erkin ómir súrýine jaǵdaı jasap keledi. Olardyń dinine, tiline, mádenıetine eshqandaı qysym kórsetilmedi. Sondaı-aq ózge ult ókilderi kedergisiz bilim ala alatyndaı etip, mektepter ashyp berdik. Táýelsizdikke qol jetkizgenge deıin keıbir ult ókilderiniń Qazaqstan terrrıtorııasynda ǵylymı-zertteý ortalyqtary da boldy. Óıtkeni, el birligi – biz úshin asyl qasıet. Degenmen qazaq halqynyń kórsetken qurmetimen qonaqjaılyǵyn ynjyqtyq nemese qorqaqtyq dep qabyldaýǵa bolmaıdy», - dedi Zada Orazǵalıqyzy.
Sonymen qatar tarıhshy Elbasy N.Nazarbaev QHA Keńesinde kótergen qazaq tilin etonosaralyq til mártebesine kóterý bastamasyna qatysty pikir bildirdi.
«Qazaqstan alǵash memleket bolyp irge kóterip jatqan ýaqytta jerimizdiń keńdigi men halyq sanynyń azdyǵyna baılanysty Qazaqstan halqy Assambleıasy quryldy. Buǵan qosa úsh tildilik saıasatyn ustandyq. Al endi basqa ulttardyń qazaq halqyna syılastyq tanytyp, tilimizdi nasıhattaıtyn kezi kelgen sııaqty. Máselen, AQSh-tyń azamattary ultyna qaramastan bári ózin amerıkalyq sanaıdy. Sondyqtan bizdiń elimiz de ózge ulttarǵa bólinbeı, barlyǵy birge «Qazaq halqy» dep atalyp, barshasy qazaq tilinde sóıleýge tyrysýy kerek. Bul - naǵyz dostyqtyń, birliktiń belgisi bolady», - dep atap ótti L.Gýmılev atyndaǵy Eýrazııa ulttyq ýnıversıtetiniń professory.
Eske sala keteıik, 11 qarashada QR Tuńǵysh Prezıdenti - Elbasy, QHA Tóraǵasy Nursultan Nazarbaev tóraǵalyǵymen eldegi etnosaralyq máseleler talqylanǵan Qazaqstan halqy Assambleıasyń Keńesi ótken bolatyn.