Qazaq halqy aıdalyp kelgen jurtqa tórin berdi - uıǵyr etnomádenı birlestiginiń tóraıymy

TARAZ. QazAqparat - Qazaqstan Prezıdenti Qasym-Jomart Toqaev reseılik «Komsomolskaıa pravda» gazetine bergen suhbatynda «Etnosaralyq kelisim – ishki saıası turaqtylyqtyń mańyzdy faktory. Onsyz eldiń ornyqty damýy múmkin emes», - dep erekshe atap ótti.Anyǵyn aıtqanda, Qazaqstan – kóp ultty kókireginde oınatqan baıtaq jer. Al qazaq halqy – qıyn zamanda etnostarǵa bir nanyn bólip bergen qonaqjaı halyq. Qıly kezeńderdi birge kórip, taban tirese tótep bergen qazaqstandyqtar qazirgi tańda beıbit kún keship keledi», - deıdi Qazaqstan halqy Assambleıasy Jambyl oblystyq Mahmut Qashqarı atyndaǵy uıǵyr etnomádenı birlestiginiń» tóraıymy Mýhabat Týrdyeva.

Shynyn aıtý kerek, dástúr men ǵurypty qatar alǵan qazaq halqy aıdaýdan kelgen jurtty teppedi, tórin berdi, nanyn berdi. Jaqsylyqqa jaqsylyqpen jaýap bergen ult ókilderi darhan dalanyń tósindeı júregi keń eldi aǵasyndaı kórdi, jatyrqamady.

Mine, beıbit zamanda – 130 dan astam ult bir shańyraq astynda tatýlyqta kún keshýde. Bul «bolashaq aǵashynyń» jemisi, keler urpaqqa amanat bolyp qala bermek. Birligimiz jasasyn! Qazaqstannyń qyrany bıikte samǵasyn!», -deıdi uıǵyr etnomádenı birlestiginiń tóraıymy aq júreginen aqtaryla.

foto: assembly.kz