Qazaq gaz óńdeý zaýytynyń dırektory qarjy jymqyrdy degen kúdikke ilindi

<p>ASTANA. KAZINFORM &ndash;<strong> </strong>&laquo;Qazaq gaz óńdeý zaýyty&raquo; JShS dırektory jemqorlyq jasady degen kúdikke ilindi. Bul týraly<strong> </strong>Sybaılas jemqorlyqqa qarsy is-qımyl agenttigi málimdedi.</p>

Mańǵystaý oblysy boıynsha Sybaılas jemqorlyqqa qarsy qyzmet «Qazaq gaz óńdeý zaýyty» JShS dırektoryna qatysty sotqa deıingi tergeý júrgizip jatyr.

Ol aýktsıon ótkizbesten zańsyz satý arqyly kásiporynnyń múlkin asa iri mólsherde jymqyrdy dep kúdiktenedi. Zalal somasy 65 mln teńgeden asady. Sottyń sanktsııasymen kúdikti qamaýǵa alyndy. Tergeý jalǵasyp jatyr.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy. Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.