Qazaq ǵalymdaryna Ózbekstan arhıvine esik ashyldy

<p>Mádenıet jáne aqparat mınıstrligine qarasty Arhıv, qujattama jáne kitap isi komıtetiniń tóraǵasy Qýat Borash pen &laquo;Ýzarhıv&raquo; agenttiginiń dırektory Ulyqbek ıÝsýpov arhıvaralyq baılanysty nyǵaıtýǵa baǵyttalǵan ózara kelisim qujatyna qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bul qujat Qazaqstan men Ózbekstan arasyndaǵy arhıv derekterin almasý jumysyn ońaılatady. Kelisim aıasyndaǵy birlesken is-qımyl jospary ǵalymdar men zertteýshilerge jańa múmkindikter usynady degen úmit bar.

«Prezıdent bıyl Astanada ótken Túrki memleketteri uıymynyń X sammıtinde «Tarıhtan syr shertetin ortaq muraǵatty zerttep, urpaqqa aqıqatty jetkizý – bizdiń paryzymyz. Quzyrly organdarymyzǵa beımálim derekterdi birlesip zerdeleýdi tapsyrýdy usynamyz. Bul, shyn máninde, mańyzdy jumys bolmaq, sebebi ortaq tarıhymyzda áli de tolyq zerttelmegen aqtańdaqtar bar», - degen tapsyrmasy bar. Bıyl qazaqstandyq delegatsııa Ózbekstanǵa sapar jasap Ózbekstan arhıviniń basshylyǵymen birlesken is-sharalar boıynsha kelisim júrgizgen bolatynbyz. Nátıjesinde búgin atalǵan kelisimdi qujat júzinde bekittik», - dedi Arhıv, qujattama jáne kitap isi komıtetiniń tóraǵasy.

Sondaı-aq, ózara is-qımyl josparynda Qazaqstan men Ózbekstan arasynda arhıvtik qujattardy tolyqtyrý, kitaptar shyǵarý, zertteý jumystaryn júrgizý qarastyrylǵan.

Byltyr «Arhıv-2025» keshendi jospary aıasynda memlekettik arhıv qyzmetkerleri 14 elde ǵylymı-zertteý jumystaryn júrgizip, elge Qazaqstan tarıhymen baılanysy bar 7000-nan astam qujat jetkizgen. Qazir atalǵan qujattardy ǵylymı aınalymǵa engizý jumystary júrip jatyr.