Qazaq ǵalymdary spýtnık arqyly egis dalasyndaǵy sýdy esepteıtin joba jasady

<p>ASTANA. KAZINFORM&nbsp;&mdash; Sý&nbsp;resýrstary jáne ırrıgatsııa mınıstri Nurjan Nurjigitov sýdy tik esepteý júıesin usynǵan qazaqstandyq ǵalym Dıana Dýshnııazovamen kezdesti. Eseptegishter men datchıkter qoldanylatyn kóldeneń esepten basty aıyrmashylyǵy&nbsp;&mdash; ázirleme jerseriktik derekterge súıenedi.&nbsp;</p>

Joba avtorlary atalǵan ázirlememen sońǵy 7 jyl boıy aınalysyp keledi.

Jańa tehnologııa NASA jáne basqa da ozyq taldaý ortalyqtarynda qoldanylatyn kompıýterlik algorıtmderdi paıdalanady, bul adamı faktordy azaıtady.

Algorıtm tek jerseriktik sýretterge ǵana emes, sonymen qatar dalalyq zertteýler aıasynda jınalǵan málimetterge de negizdelgen. 

Mysaly, ósiriletin daqyl túrleri nazarǵa alynady.

Ázirleme avtorlarynyń aıtýynsha, júıe osyǵan deıin esep júrgizilmegen egis alqaptarynda sýdyń kólemin anyqtaýǵa múmkindik beredi.

Bul belgili bir ýchaskege qajet sýdyń naqty kólemin anyqtaýǵa jáne artyq shyǵyndy azaıtý úshin qajet.

Mysal retinde júıege jınalǵan Túrkistan jáne Jambyl oblystaryna qatysty derekter usynyldy.

Tanystyrylymnan keıin Nurjan Nurjigitov pen sý resýrstary jáne ırrıgatsııa mınıstrliginiń departament basshylary Dıana Dýshnııazovaǵa júıeniń tehnıkalyq sıpattamalaryna, ony engizý joly men baǵasyna, sondaı-aq derekterdi jınaý jáne taldaý ádisterine qatysty suraqtaryn qoıdy.

Foto: Sý resýrstary mınıstrligi

«Sýarý kanaldarynyń tıimdiligin baǵalaý úshin mundaı tehnologııalar óte mańyzdy. Bul óz kezeginde sýarý júıelerin rekonstrýktsııalaý máselesi qanshalyqty ózekti ekenin anyqtaýǵa múmkindik beredi. Sondaı-aq, sýarmaly alqaptarǵa naqty jetkizilgen sýdyń kólemin kelisimshartta kórsetilgen derektermen salystyrý arqyly sýdyń „qara naryǵymen“ kúresýge de kómektesýi múmkin. Biz bul baǵytta belsendi jumys júrgizip jatyrmyz. Jańa tehnologııalarǵa kóshýmen qatar zańnamaǵa tıisti ózgerister engizý arqyly da keshendi jumys atqarý qajet», — dedi Sý resýrstary jáne ırrıgatsııa mınıstri Nurjan Nurjigitov.