Qazaq-frantsýz kásiporny Ońtústik Tórtkudyq ýran ken ornyn paıdalana bastaıdy

<p>Frantsýzdyq Orano Mining pen &laquo;Qazatomónerkásiptiń&raquo; birlesken KATCO kásiporyny Qazaqstandaǵy Ońtústik Tórtqudyq ýchaskesinde ýran óndirýdi 2023 jyldyń sońynda bastaıdy, dep habarlaıdy <a href="Kazinform" target="_blank" rel="noopener">Kazinform </a><a href="https://en.trend.az/casia/kazakhstan/3823667.html" target="_blank" rel="noopener">Trend.az</a>-ǵa silteme jasap.</p>

- Qazaqstan - álemdegi eń iri ýran óndirýshi el. Orano elimizde 1996 jyly Orano Mining (51 paıyz) jáne «Qazatomónerkásip» (49 paıyz) qurǵan birlesken kásiporyn KATCO arqyly Shymkentten soltústikke qaraı 300 shaqyrym jerde ornalasqan Túrkistan oblysyndaǵy Moıynkum jáne Tórtkudyq ken oryndarynyń ýran resýrstaryn ıgerý jáne paıdalaný úshin qurylǵan, - dep habarlady Trend.az.

Korporatsııanyń málimetinshe, qazir onda 1200-den astam adam jumys isteıdi. Ol jyldyq qýaty shamamen 4000 tonna ýran bolatyn ISR kenishin basqarady. Sońǵy 20 jylda KATCO eki ken ornynan 40 000 tonnadan astam ýran óndirdi.

- 2022 jyldyń tamyz aıynda KATSO men QR Energetıka mınıstrligi Ońtústik Tórtqudyq ýchaskesin ıgerý boıynsha qoldanystaǵy jer qoınaýyn paıdalaný kelisimshartyna tolyqtyrýlar engizdi. Bul jańa alańnyń jumys isteýi KATCO óndirisine shamamen on bes jyl kepildik beredi. Jańa alańdaǵy óndiris 2023 jyldyń aıaǵynda bastalýy kerek,- deıdi kompanııa derekkózinen.

Sondaı-aq derekkóz Orano Mining men «Qazatomónerkásip» qazaqstandyq ulttyq kompanııasy 2022 jyldyń 29 qarashasynda yntymaqtastyq týraly memorandýmǵa qol qoıǵanyn atap ótti.

- Osy memorandýmnyń arqasynda Orano Mining jáne «Qazatomónerkásip» qoldanystaǵy tabysty áriptestikke súıene otyryp, ýran óndirý salasyndaǵy yntymaqtastyqty qoldaý jáne nyǵaıtý nıeti týraly málimdeıdi, - dep qosty kompanııa.

Qazaqstan tabıǵı ýrannyń dáleldengen qory boıynsha álemde ekinshi orynda tur. Barlanǵan álemdik qorlardyń shamamen 14 paıyzy Qazaqstan Respýblıkasynyń jer qoınaýynda shoǵyrlanǵan. Eldiń jalpy dáleldengen qory 700 myń tonnadan astam ýranǵa baǵalanady.

2009 jyly Qazaqstan ýran óndirýden álemde birinshi oryndy ıelendi jáne álemdik naryqta jetekshi pozıtsııasyn saqtap qalýda. Qazaqstan álemdik ýran óndirisiniń 40 paıyzyn óndiredi. 2021 jyly ýran óndirý kólemi 21,8 myń tonnany, 2022 jyldyń qorytyndysy boıynsha 21,3 myń tonnany qurady.