«Qazaq etnografııasy» - qazaq salt-dástúriniń entsıklopedııalyq jınaǵy

AS TANA. QazAqparat - Qytaı ortalyq telearnasy (CCTV) resmı saıtynyń qazaq tili nusqasy júzege asyryp kele jatqan «Kitap qambasy» baǵdarlamasy belgili qalamger, ǵalym, baspager, synshy, ultyn súıgen ulaǵatty azamat Zeınolla Sániktiń shyǵarmashylyǵy jaıly syr shertedi. Sondaı-aq, ǵalymnyń balasy Janat Zeınollaqyzymen birlikte qurastyrǵan qazaq salt-dástúri men ádet-ǵurpy jaıly egjeı-tegjeıli baıandaıtyn «Qazaq etnografııasy» atty eńbegi sóz bolady, dep habarlady Baq.kz.

Aıta keteıik, Zeınolla Múbárakuly Sánik 1935 jyly Qytaıdyń Tarbaǵataı aımaǵynda dúnıege kelgen. Pekın qalasyndaǵy ortalyq jastar ınstıtýtyn bitirip, eńbek jolyn baspagerlikten bastaǵan. Úrimjidegi jastar baspasynda jaýapty redaktor bolyp qyryq jyldaı qyzmet atqarǵan. 1955 jyldan bastap ádebı zertteý jumystaryn jaza bastaǵan. Sol ýaqytta Qytaıda júrgizilgen «mádenı tóńkeristiń» aýyr soqqysyna ushyrap, «halyq jaýy» bolyp, aýyr kúnderdi de ótkergen. Soǵan qaramastan, qalamgerdiń ǵylymı eńbekterinen, roman, povesterinen quralǵan jıyrmadan astam kitaby jaryq kórgen. Qazaqstanda «Qarakereı Qabanbaı», «Has batyr Qabanbaı», «Tuǵyryl han», «Demejan batyr», «Halyq kúıshisi Qaıraqbaı», «Baspaı» atty kitaptary jarııalanǵan. Qadirli qalamger 2013 jyldyń 26 qyrkúıeginde ómirden ozdy.