Qazaq epostarynyń úzindileri Eýropa sahnalarynda qoıylmaq

ASTANA. QazAqparat - Qazaq mıýzıkldary Eýropa sahnalarynda qoıylmaq. Bul týraly búgin «Qazaqstan» OKZ-da ótken «Rýhanı jańǵyrý - ulttyń jańǵyrýy» atty dóńgelek ústelde «Qazaqkontsert» memlekettik kontserttik uıymynyń dırektory Ashat Maemırov málimdedi, dep habarlaıdy «QazAqparat» HAA tilshisi.

«Bizdiń ujym 1 jeltoqsannan bastap Eýropanyń iri qalalaryn aralap, óner kórsetpek. Basty maqsatymyz -  qazaqstandyq mádenıetti jahandyq arenaǵa alyp shyǵý. Astana mıýzıkl teatry operamen úılestirip, epostardan úzindiler jasap, ulttyq injý-marjandarymyzdy, qazaq mıýzıkldaryn Eýropa sahnalaryna alyp shyqpaqshy», - dedi  Ashat Maemırov.
 

Sondaı-aq, ol Elbasymyzdyń rýhanı qundylyqtardy arqaý etken baǵdarlamalyq maqalasynyń ıÝNESKO-nyń bas shtab-páterinde keńinen talqylanǵanyn tilge tıek etti.

Aıta keteıik, ulttyq rýhymyzdy dáripteýge arnalǵan sharaǵa abaıtanýshy, L.Gýmılev atyndaǵy Eýrazııa ulttyq ýnıversıtetiniń dotsenti Omar Jáleluly, aıtysker aqyn Serikzat Dúısenǵazy qatysty.