Qazaq eli saılaý arqyly jahandyq daǵdarysqa meılinshe mán berip otyrǵanyn kórsetti - N. Djafarov
«Biz baıqaýshylyq jasaǵan TúrkPA mıssııasy Qazaqstandaǵy saılaý úderisine óte qanaǵattanýshylyq tanytady. Bizge saılaýdyń barysyna qatysty aldyn ala málimettermen tanysýǵa úlken jaǵdaılar jasaldy. Sonyń arqasynda kezekten tys saılaýdyń ótý fılosofııasyn da zerdeleýge múmkindik aldyq. Óıtkeni, qazir álemde de, qazaqstanda da ekonomıkalyq, saıası kúrdeli máseleler oryn alýda. Osy turǵydan alǵanda Qazaq eli saılaý arqyly osynaý jahandyq úderiske meılinshe mán berip otyrǵanyn tanytty. Bul Qazaqstannyń árqashan alda bolý ıdeıasyn bildiredi», - dedi N. Djafarov.
Sonymen qatar, Qazaqstannyń táýelsizdigine 25 jyl tolǵanyn aıta kele, sarapshy osy jyldar ishinde elimiz jan-jaqty tájirıbe jınaqtaǵanyn, sonyń ishinde saılaý ótkizý úderisinde de úlken tájirıbege ıe bolǵanyn atap ótti.
«Biz baıqaǵan ýchaskelerdiń bári joǵary halyqaralyq deńgeıge saı boldy. Bul úshin qyzyǵamyz. Endi osy saılaýdyń nátıjesi Qazaqstannyń órkendeýi úshin jaǵymdy bolatynyna senemin», - dedi Ázerbaıjan depýtaty.